कलेस्तीमा विश्वरेडक्रस दिवस

गजौडे/नेपाल रेडक्रस सोसाईटी कलेस्ती उपशाखाले व्यास ९ गजौडेमा बुधबार परिचयात्मक परिक्षण तथा महिला मेच घुमाई प्रतियोगिता सम्पन्न गरेको छ । प्रतियोगितामा प्रथम अप्सरा श्रेष्ठ, द्वितिय मञ्जु रायमाझी र तृतिय सम्पदा खनाल भएका छन् । नेपाल रेडक्रस सोसाईटी तनहँु शाखाका सदस्य रामदत्त पौडेलको प्रमुख आतिथ्यतामा सम्पन्न सो प्रतियोगिता नेपाल रेडक्रस सोसाईटी कलेस्ती उपशाखाका सभापति बाबुराम खनालको अध्यक्षतामा भएको थियो । उपशाखाका सचिव तेजबहादुर गुरुङ, जुनियर रेडक्रसको सुनिला अधिकारी, उपसभापति प्रेम बहादुर घर्ति, स्वास्थ्यकर्मी लक्ष्मी गुरुङ्ग लगायतले प्रतियोगिताको बारेमा आफ्नो धारणा राखेका थिए भन्दै गजौडेबाट हाम्रा सम्वाददाता बाबुराम खनालले बताएका छन् ।