दमौली/नया वर्षलाई मध्यनजर गर्दै टाइगरल्याण्ड युवा क्लब व्यास–४ को आयोजनामा टाइगरल्याण्ड दमौली महोत्सव हुने भएको छ ।
सोमबार आयोजित पत्रकार सम्मेलनमा बोल्दै क्लबको अध्यक्ष विपिन घलेले युवाहरुलाई स्थानीय स्तरमै मनोरञ्जन, भेटघाट र सास्कृतिक आदान–प्रदानको अवसर प्रदान गर्न महोत्सवको आयोजना गरिएको बताए । क्लबका सचिव उमेश पौडेलले महोत्सवको तयारीका बारेमा जानकारी गराउदै करिब सयवटा स्टल रहने बताए । सचिव पौडेलले स्टलहरुमा स्थानीय उत्पादन, खाना तथा पेय पदार्थ, हस्तकला सामग्री राखिने छन् । यसैगरी उक्त अवधिमा विभिन्न मनोरञ्जनात्मक कार्यक्रमहरु पनि सञ्चालन हुने छन् ।
महोत्सवको झण्डै १० हजारले अवलोकन गर्ने अनुमान गरेको आयोजकले संकलित रकम खेलमैदान निर्माण, फोहर मलाई राख्ने जस्ता सामािजक सेवाका कार्यमा लगाउने समेत बताइएको छ । स्थानीय जुडीपानी टोलविकास संस्था सहआयोजक रहेको महोत्सव चैत्र २६ गते प्रारम्भ भई वैशाख ७ गतेसम्म सञ्चालन हुनेछ । सबैलाई महोत्सवको अवलोकन गरी मनोरञ्जन लिन र आयोजकलाई हौसला प्रदान गर्न क्लबले आग्रह गरेको छ ।
