दमौली/व्यास नगरपालिका नगर कार्यपालिकाको बैठकले व्यास नगरपालिका शिक्षा नियमावली, २०७६, लेखा समिति गठन र सञ्चालन कार्यविधि, २०७६ लगाएत छ विभिन्न नियमावली र कार्यविधि पारित गरेको छ । बैठकले व्यास नगरपालिकाको दररेट पारित गर्नुका साथै २५ औं आदिवासी दिवस मनाउने कार्यक्रमका लागि सहयोग गर्ने निर्णय समेत गरेको छ । आव २०७५/७६ को आन्तरिक आय तर्फ ९५.५० प्रतिशत प्रगति भएको साथै अघिल्लो आवमा जम्मा १२२४ योजनाहरु सञ्चालन गरिएकोमा अन्य योजना सम्पन्न भई १०५ योजनाहरु मात्र क्रमागत योजनाका रुपमा रहेको विवरण प्रस्तुत भयो । वर्षायामका कारण बाढी पहिरोको चपेटामा परी अवरुद्ध भएका सडकहरु सुचारु गर्ने निर्णय समेत गरेको छ ।
