राष्ट्रिय र सिद्ध आविमा विव्यस गठन

ऋषिङ/ऋषिङ गाउँपालिका वडा नं ५ मा रहेका राष्ट्रिय आधारभूत विद्यालय ज्वाला र सिद्ध आधारभूत विद्यालयमा सपाङ्दीमा विव्यस गठन सम्पन्न भएको छ ।
स्थानीय बुद्धिमान थापाका अनुसार सोमबार भएको भएको अभिभावक भेलाले राष्टिङ आविमा रामबहादुर थापाको अध्यक्षतामा ६ सदस्यिय विद्यालय व्यवस्थापन समिति गठन गरेको हो । समितिका अन्य सदस्यहरुमा लालबहादुर थापा, हुमकुमारी कुमाल, रेशमाया कुमाल तथा कमला थापा रहेका छन् । यसैगरी सोही भेलाले ऐते कुमालको अध्यक्षतामा शिक्षक अभिभावक संघ पनि गठन गरेको छ । समतिका सदस्यहरुमा ओममाया थापा, कुमारी थापा, देउबहादुर विक, सूर्य थापा, झविलाला कुमाल, जमुना थापा तथा लालाबहादुरथापा रहेका विद्यालयका प्रधानाध्यापाक माधव गिरीले जानकारी दिएका छन् । कार्यक्रममा ऋषिङ गाउँपालिका शिक्षा अधिकृत सुवासचन्द्र रानाभाट तथा श्रोत व्यक्ति विश्वराज अधिकारीको उपस्थिती रहेको थियो ।
मंगलबार विद्यालयमा भेला भएका अभिभावकले सिद्ध आधारभूत विद्यालयको विव्यस पनि गठन सम्पन्न गरेका छन् । स्वास्थ्य सुरक्षाका सबै विधि अपनाएर आयोजना गरिएको भेलाले केशरबहादुर थापाको अध्यक्षतामा उक्त समिति गठन गरेको हो । समितीका अन्य सदस्यहरुमा हिरामाया नेपाली, मनमाया विक, धनबहादुर थापा, सीतामाया थापा तथा शान्ति थापा रहेका छन् । वडाध्यक्ष पदमबहादुर थापा तथा श्रोतव्यक्ति विश्वराज अधिकारी समेतको सहभागितामा सोही भेलाले शिक्षक अभिभावक संघ पनि गठन गरको छ । संघको अध्यक्षमा बीरबहादर नेपाली तथा सदस्यमा पूर्णमाया नेपाली र अन्य रहेका छन् ।