दमौली/नेपाल पत्रकार महासंघ तनहूँ शाखाले बन्दिपुरको सिद्ध गुफामा आफ्नो नियमित बैठक सञ्चालन गर्नुपूर्व बन्दिपुर गाउँपालिकाको व्यवस्थापनमा अन्तरक्रिया गरेर पर्यटकीय क्षेत्रको प्रबद्र्धनमा टेवा पु¥याएको छ ।
अन्तरक्रियामा बन्दीपुर गाउँपालिकाका अध्यक्ष सुरेन्द्र थापाले प्रचारप्रसारको अभावमा सिद्धगुफा ओझेलमा परेको महशुस भएको बताउनुभयो । सिद्धगुफाको प्रचारप्रसार राष्ट्रिय स्तरमा गर्न आवश्यक रहेकामा जोड दिँदै अध्यक्ष थापाले यसको प्रबद्र्धनका लागि गाउँपालिकाले बजेट विनियोजन गरेको प्रष्ट्याउनु भयो ।
बजेट अनुसार गरिने भौतिक परिवर्तनलाई सञ्चारकर्मीले कलम चलाएर देशविदेशमा प्रचार गरिदिंदा देशका महत्वपूर्ण ठाउँमध्ये सिद्धगुफा एकपटक पुग्नैपर्ने ठाउँ भनेर चिनाउन सकिने विश्वास अध्यक्ष थापाको थियो । बन्दीपुर गाउँपालिकाका उपाध्यक्ष पञ्चमाया गुरुङले बन्दीपुर पर्यटकीय आकर्षणलाई उजिल्याउने सीप पत्रकारहरुमा रहेको चर्चा गर्दै बन्दिपुरलाई पर्यटकीय नगरीको रुपमा प्रचार गर्न पत्रकारहरुलाई प्रोत्साहित गर्नुभयो ।
बन्दीपुर गाउँपालिका वडा नं. ३ का वडाध्यक्ष परमेश्वर भट्टराई, वडा नं. २ का वडाध्यक्ष तिलकबहादुर कुंवर र वडा नं. ४ का वडासदस्य भिम घलेले पालिकाभित्रका सबै पर्यटकीय स्थलको प्रचारप्रसार हुनुपर्नेमा जोड दिनुभयो ।
शाखाका अध्यक्ष डिपी अधिकारीको अध्यक्षतामा सम्पन्न कार्यक्रममा नेपाल पत्रकार महासङ्घ तनहुँ शाखाका पूर्व अध्यक्ष प्रेमप्रसाद पौडेल, शाखाका उपाध्यक्ष प्रताप राना, सचिव कृष्ण न्यौपाने लगायतले आ–आफ्नो धारणा राख्नुभएको थियो ।
बन्दीपुर गाउँपालिका–४ विमलनगरस्थित सिद्धगुफाको प्रचारप्रसार र प्रबद्र्धन गर्ने उद्धेश्यसहित शाखाको मंगलबार गुफा भित्र बसेको बैठकले पर्यटकीय नगरी बन्दीपुरमा अवस्थित सिद्धगुफाको सञ्चारमाध्यबाट प्रचारप्रसार गर्ने निर्णय गरेको छ ।
शाखाले यसअघि व्यास नगरपालिका–३ व्यासगुफा, आँबुखैरेनी गाउँपालिका–५ छिम्केश्वरी र म्याग्दे गाउँपालिका–६ मनपाङ र जलविहारका क्रममा समेत घुम्ती बैठक सम्पन्न गरिसकेको छ ।