दमौली/प्रेश रजिष्टारको कार्यालयले तनहुँको व्यास गुफालाई धार्मिक पर्यटकीय क्षेत्रको पहिचान सहित पत्रकारहरुसंग मंगलबार अन्तरक्रिया गरेको छ ।
व्यास क्षेत्रको विकाशमा अहोरात्री खटेका दामोदर वावाबाट व्यास क्षेत्रको महिमा, धार्मिक पर्यटकीय क्षेत्रको पहिचान र व्यास गुफामा २२ बर्षको बसाइमा व्यासले वेद लेखन गरेको क्षेत्रको रुपमा व्यास गुफाको महत्व प्रकाश पछि शुरु भएको पत्रकार प्रेश रजिष्ट्रार कार्यालय बीचको अन्तरक्रियामा प्रेस रजिष्टार विमला भण्डारीले आफ्नो धार्मिक क्षेत्रको महिमाका बारेमा कलम चलाउन प्रोत्साहित गर्दै आफ्नो संचार माध्यमको अवस्था, समस्या र समाधानका बारेमा खुलस्त बताएर अगामि दिनमा पत्रकारी क्षेत्रको विकास र प्रबद्धनमा सहयोग गर्न आव्हान गर्नुभयो ।
सो अवसरमा प्रेश रजिष्टार कार्यालयले सबै सञ्चार माध्यमलाई एक एक प्रति फर्म उपलब्ध गराएर नाम, ठेगाना, इमेल, वेवसाईड, प्रकाशनको अवस्था, प्रविधिको प्रयोगको अवस्था, सक्षमता, थप ज्ञानको तालिमको आवश्यकता, भौतिक पूर्वाधार विकासका लागि संघ, प्रदेश र स्थानीय सरकारसंगको अपेक्षाका बारेमा विवरण संकलन गर्ने काम भएको थियो । साथै दर्ता नविकरण भए नभएको, नभएको भए कारण समेतको खोजी गरी वैधानिक सञ्चालनका लागि प्रोत्साहित गरिएको थियो ।