आफैले उत्पादन गरेको अम्रिसोबाट कुचो बनाएर विक्रिका लागि हिँडेका श्रृङ्ग मावि ऋषिङ–६ का प्रधानाध्यापक टंकबहादुर थापा र घरमा हुर्केका खसी बेच्न हिँडेका अरुण आधारभूत विद्यालय ऋषिङ–७ का प्रधानाध्यापक बीरबहादुर थापा । पहिलो वर्षको अम्रिसो उत्पादनबाट झण्डै सयवटा कुचो बनाएर बेचेको बताउने प्रअ थापा शिक्षण पेशाबाट निवृत्त भएपछि यसैलाई व्यवसाय बनाउने सोचमा छन् । विद्यालयको कामकाजबाट बचेको समयमा अम्रिसो भएको बारी र पाखामा पुगेर रमाउने थापा कुनै पनि काम गर्न पछि हट्न नहुने बताउँछन् । खसी पालनबाट राम्रै आम्दानी गरेको बताउने अर्का प्रअ थापा तस्वीरमा देखिएका तीनवटा खसी बेचेर ८५ हजार कमाएको बताउँदै फुर्सदको समयमा यसैमा बाख्रा पालनमा रमाउने गरेको बताउँछन् ।
तस्वीरहरुः सुरजकुमार श्रेष्ठ र बीरबहादुर थापा