बाह्रबिसे/राष्ट्रिय आधाभूत विद्यालय ऋषिङ–५ बाह्रबिसेमा विद्यालय व्यवस्थापन समिति तथा शिक्षक अभिभावक संघ गठन भएको छ ।
भाद्र २५ मा ऋषिङ गापा शिक्षा शाखा प्रमुख सुवास रानाभाटको उपस्थितिमा सम्पन्न अभिभावक भेलाले वडाध्यक्ष समेत रहेका बुद्धिमान रानालाई अध्यक्षमा सर्वसम्मत चयन गरेको हो ।
विव्यसका अन्य निर्वाचित सदस्यहरुमा जितबहादुर कुमाल, हर्खबहादुर थापा, रेशमायाँ कुमाल, शनिशरा कुमाल, थनीमायाँ थापा, देउबहादुर थापा तथा सुरज थापा रहेका छन् । यसैगरी विद्यार्थी प्रतिनिधिमा सरस्वती थापा, शिक्षक प्रतिनिधिमा नरबहादुर थापा चयन भएका छन् ।
सोही भेलाले शिक्षक अभिभावक संघ समेत गठन सम्पन्न गरेको विद्यालयका प्रधानाध्यापक माधव गिरीले बताए । प्रअ गिरीका अनुसार शिअसंघको अध्यक्षमा दिलबहादुर थापा चयन भएका छन् । सदस्यहरुमा जमुना थापा, लालबहादुर आले, भिमबहादुर थापा, ओममायाँ थापा, राजु थापा, खमबहादुर थापा, पवित्रा थापा र अम्बिका रानाभाट चयन भएका छन् ।
विद्यालयको शैक्षिक एवं भौतिक विकासमा सहयोग गर्न सल्लाहकार समिति समेत गठन गरिएको प्रअ गिरीले जानकारी
दिए । उनका अनुसार सल्लाहकार समितिको संयोजकमा पदमबहादुर रानाभाट रहेका छन् भने सदस्यहरुमा दामोदर थापा र रामबहादुर थापा रहेका छन् ।