साँगे/ ब्राम्हण समाज नेपाल म्याग्दे–७ को साधारण सभा शनिबार सम्पन्न भएको छ ।
संस्थाका नवनिर्वाचित सचिव विष्णुहरि भट्राईका अनुसार साधारण सभाले श्रीभद्र आचार्यको अध्यक्षतामा ११ सदस्यीय नयाँ कार्य समिति सर्वसम्मत चयन गरेको छ । समाजको उपाध्यक्षमा ऋषिराम पौडेल, सचिवमा विष्णुहरि भट्टराई तथा कोषाध्यक्षमा गंगा वाग्ले चयन भएका हुन् ।
यसैगरी समाजका सदस्यहरुमा मुक्तिनाथ वाग्ले, धु्रव वाग्ले, अञ्जना भट्टराई, लक्ष्मी भण्डारी, दोधराज रेग्मी, रमानाथ पंंगेनी र ईश्वरी वाग्ले लाई साधारण सभाले सर्वसम्मत चयन गरेको हो ।
समाजका निवर्तमान अध्यक्ष शिवप्रसाद वाग्लेको सभापतित्वमा एवं ब्राम्हण समाज नेपाल केन्द्रीय सदस्य उपेन्द्र लम्सालको प्रमुख आतिथ्यमा साधारण सभामा सम्पन्न भएको थियो । सभामा कोषध्यक्ष गंगा वाग्लेले समाजको वार्षिक आय–व्यय विवरण प्रस्तुत गरेकी थिईन् । विष्णुहरि भट्टराईले स्वागत गरेको कार्यक्रममा मुक्तिनाथ वाग्ले, दुर्गादेवी वाग्ले, रामचन्द्र वाग्ले तथा श्रीभद्र वाग्ले लगाएतले शुभकामना मन्तव्य राखेका थिए ।