Tanahun Awaj
Uncategorized

कार्यक्षेत्रमा लैङ्गिक हिंसाको अन्त्य आवश्यक

लैङगिक हिंसा विरुद्धको १६ दिने अभियान समापनको अघिल्लोदिन गत मंगलबार एक महिलाले कार्यक्षेत्रमा हुने यौन जन्य हिंसा सहन नसकेर काम छोडेको व्याथा सुनाइन । निर्माण क्षेत्रमा श्रमिकको रुपमा कार्यरत उनको कथन थियो, नाईके र अन्य श्रमिकको यौन हिंसा जन्य क्रियाकलाप सहन नसकेर काम नै छोडिदिएँ ।

उनी जोसंग जिन्दगी बिताउँला भनेर जन्मघर छोडेर आएकी थिइन, उ रोजगारीको क्रममा विदेश गयो र उतै भुल्यो । वर्षाैं भयो आएको छैन । पैसा पठाउने त कुरै छैन,आजकल फोन सम्पर्र्क पनि छैन । फोन गर्दा उठाउँदैन । उठाइहाले पनि एक दुइ शब्द बोलेर काट्छ । दुइ छोरा छोरी छन् । तिनीहरुको पालन–पोषण, शिक्षा–दीक्षा,स्वस्थ्य लगाएतको सम्पूर्ण जिम्मा उनैलाई छ । अरु काम गरौं, हातमा अन्य सिप छैन । जुन कामका लागि सिप छ, त्यो काम गर्ने वातावरण छैन । छोरा छोरीलाई मुखमा लगाउने माड कहाँबाट जुटाउने, लुगाफाटो केले किन्ने अनि विद्यालय पठाउने कसरी र विरामी पर्दा उपचार के ले गर्ने भन्ने चिन्ताले काम छाड्ने निर्णय गरेसंगै सताउन थालेको छ । यस्तै कुराले डिप्रेसनमा जान्छु कि भन्ने डर लागेको छ रे उनलाई ।

यी त एउटा प्रतिनिधि पात्र मात्र हुन, कार्यक्षेत्रमा यौन हिंसा सहने वा सहन नसके काम छाडेर हिड्ने महिलाका । काम छोड्ने त हो तर भोलीबाट सांझ विहान हातमुख केले जोड्ने ? यस्ता समस्या भोग्ने धेरै महिला छन् । अरु उपाय नभए पछि भोकै मर्नु भन्दा हिंसा हुन्छ भन्ने जान्दा जान्दै पनि सोही काममा फर्कन बाध्य भएका महिला पनि हामीकहाँ प्रसस्त छन् ।

त्यसैले लैङ्गिक हिंसा विरुद्धको अभियान सञ्चालन गरिरहँदा सरोकारवाला निकायहरुले यस्ता विषयमा ध्यान दिनु जरुरी छ । कार्यक्षेत्रमा हुने यौनजन्य हिंसाका कारण काम छोड्नु पर्ने र गास वास अनि कपास प्राप्तीको बाटो नै बन्द हुने अवस्था आउन नदिन हामी सबै सचेत हुनु आवश्यक छ । यस प्रकारको हिंसा रोक्न सक्दामात्र पनि महिलाको आर्थिक र सामाजिक अवस्थामा आमुल परिवर्तन आउँछ । आधा आकाश ओगटेका महिलाको अवस्थामा सकारात्मक परिवर्तन विना सभ्य र समृद्ध समाजको परिकल्पना सम्भव छैन । सबैको यतातर्फ ध्यान जाओस् । यो वर्षको अभियानले सभ्य समाज निर्माणमा सघाउ पु¥याओस । हाम्रो कामना ।

Related posts

सन्त नेताको सम्झना-सम्पादकीय

admin

व्यासका अध्येता न्यौपानेद्वारा किरियापुत्री भवनलाई सहयोग

admin

दमौलीमा २ दिने लैङ्गिक समानता प्रशिक्षण

admin