शान्तिनगर/व्यास नगरपालिका वडा नं. ३ स्थित शान्ति नगर टोल विकास संस्थाले सरसफाई तथा शुभकामना आदानप्रदान कार्यक्रम शनिवार सम्पन्न गरेको छ ।
टोल विकास संस्थाले अहिलेसम्मकै अधिक टोलबासीको सहभागितामा सरसफाईका साथै शुभकामना आदान प्रदान कार्यक्रम सम्पन्न गरेको छ । वडा नं. ३ का वडाध्यक्ष अनुप रानाको प्रमुख आतिथ्यतामा सम्पन्न शुभकामना आदान प्रदान कार्यक्रममा बक्ताहरुले सडक भन्दा नाली कमजोरी हुनु ठूलो कमजोरी भएको स्वीकार गरेका थिए ।
सडक भन्दा नाली अग्लो भएको तर्फ प्राविधिक, जनप्रतिनिधि र टोलबासीले बेलैमा ध्यान नदिँदा बीस लाख भन्दा बढीको बजेटले गरेको काममा कमजोरी देखिएको धारणा राखेका थिए । वक्ताहरुले टोलले टोलवासीको हकहितमा समन्वयकारी काम गर्न सक्नु पर्ने र खर्च पारदर्शी बनाउनु पर्नेमा जोड दिएका थिए । शुभकामना आदन प्रदान कार्यक्रममा निवर्तमान अध्यक्ष प्रेमकुमार श्रेष्ठ, वडा सदस्य विनु श्रेष्ठ, सल्लाहकार ऋषिराम पोख्रेल, सहसचिव रामबहादुर गुईदेल लगाएतले टोलको बृहत्तरहितमा आफ्ना धारणा राख्दै शुभकाना मन्तब्य राख्नु भएको थियो ।
टोल अध्यक्ष राजकुमार श्रेष्ठको सभापतित्वमा भएको सो कार्यक्रममा स्वागत मन्तब्य उपाध्यक्ष पूर्णकुमार श्रेष्ठले राख्नु भएको थियो भने सञ्चालन सचिव श्रीकृष्ण सोतीले गर्नुभएको
थियो ।