विद्युत सर्टबाट आगलागी

दमौली /व्यास नगरपालिका–४, सिमलटारस्थित सिरकडसना उद्योगमा विद्युत सर्ट भएर आगलागी भएको छ । बेथेल मल्टिप्रोपोज इन्जिनियरिङ कम्पनीले सञ्चालन गरेको उद्योगमा काम गर्ने क्रममा सोमबार विहान ८ बजे तिर विद्युत सर्ट भएर आगो लागेको थियो । व्यास नगरपालिकाको दमकल, नेपाली सेनाको कृष्ण दल गण, नेपाल प्रहरी तथा स्थानीयवासीको सहयोगमा आगो साढे ९ बजे नियन्त्रण गरिएको थियो । आगलागीबाट २२ लाख बराबरको क्षति भएको सञ्चालक पक्षले दाबी गरेको छ ।