दमौली/नेपाल रेडक्रस सोसाइटी गण्डकी प्रदेशको उपमहासचिवमा कृष्णचन्द्र पाण्डे चयन भएका छन् । गण्डकी प्रदेशको पोखरामा आईतबार भएको छैठौ साधारण सभाले प्रदेश कार्यसमितिको उप–महासचिव चयन हुनुभएको भएको हो । रेडक्रसका केन्द्रीय अध्यक्ष प्रा.डा.सुर्दशन नेपालले उद्घाटन गरेको सो कार्यक्रमको गण्डकी प्रदेशका अध्यक्ष सूर्यप्रसाद ढकालले अध्यक्षता गरेका थिए । रेडक्रस गण्डकी प्रदेशका सदस्य पाण्डेलाई रिक्त रहेको उपमहासचिव पदमा चयन गरिएको हो । चयन पछि उहाँले रेडक्रसको चौतफी विकासको लागि निरन्तर लाग्ने प्रतिबद्धता व्यक्त गरे । पाण्डे तनहुँ रेडक्रसमा लामो समय देखि आवद्ध थिए ।