गठबन्धन दलहरुको सयुक्त बैठक सम्पन्न

गठबन्धनमा आवद्ध तनहुँका राजनीतिक दलहरुको सयुक्त बैठक बिहिबार नेपाली कांग्रेस तनहुँका सभापति जीतप्रकाश आलेको सभापतित्वमा सम्पन्न भयो । कांग्रेस तनहुँका जिल्ला सदस्य डम्बर अधिकारीका अनुसार बैठकले तनहुँ क्षेत्र नं १ मा वैशाख १० मा हुने उपनिर्वाचनका लागि नेपाली कांग्रेसका केन्द्रीय सदस्य शंकर भण्डारीको संयोजकत्वमा निर्वाचन परिचालन उच्च स्तरीय समिति गठन गरेको छ ।समितिको सदस्यहरुमा नेपाली कांग्रेसका केन्द्रीय सदस्यहरु प्रदीप पौडेल , धु्रव वाग्ले ,माओवादी केन्द्रका कोषाध्यक्ष श्रीराम ढकाल , माओवादीका केन्द्रका केन्द्रीय सदस्यहरु सुरेश आले मगर ,हरिबहादुर चुमन , आशा कोइराला , एकीकृत समाजवादीका पोलिटव्यूरो सदस्य प्रतापलाल श्रेष्ठ , एकीकृत समाजवादीका केन्द्रीय सदस्यहरु कृष्णकुमार श्रेष्ठ , कलिला खान , नेता विद्या ढकाल ,शंकर पोखरेल ,नेता विद्या ढकाल , जनता समाजवादी पार्टीका केन्द्रीय कार्यकारी सदस्य शिवलाल थापा ,केन्द्रीय सदस्यहरु शर्मिला थापा आचार्य ,पासाङ थापा ,अर्जुन लम्साल लम्साल रहेका छन् । बैठकमा माओवादी केन्द्रका तर्फबाट जिल्ला अध्यक्ष मदन आले, एकीकृत समाजवादीका जिल्ला अध्यक्ष श्रीराम कार्की , जनता समाजवादीका जिल्ला अध्यक्ष अर्जुन गुरुङ लगायतको उपस्थिती रहेको थियो ।