कमलबारी/सिद्धेश्वरी मावि ब्यास–१२ ले आफ्नो ५१ औं वार्षिकोत्सवको अवसरमा अन्तरविद्यालय हाजिरी जवाफ प्रतियोगिता आयोजना ग¥यो । व्यास–१२ र ११ मा रहेका विद्यालयका कक्षा ८ र कक्षा ५ का विद्यार्थीहरुका लागि आयोजित प्रतियोगिता बुधबार सम्पन्न भएको हो ।
कक्षा ५ का लागि आयोजित प्रतियोगितामा आयोजक शिद्धेश्वरी मावि प्रथम भयो भने वसन्त आधारभूत विद्यालय द्वितीय र कर्लुङ प्राथमिक विद्यालयले तृतिय स्थान हासिल गरे । प्रतियोगितमा चण्डिदेवी आधारभूत विद्यालयले सान्त्वना स्थान प्राप्त गरेको थियो ।
यसैगरी कक्षा ८ का लागि आयोजित प्रतियोगितामा पनि आयोजक विद्यालय नै प्रथम भएको थियो । प्रतियोगितामा वसन्त आधारभूत विद्यालयले द्वितिय स्थान तथा चण्डेश्वरी आधारभूत विद्यालयले तृतिय स्थान प्राप्त गरेका थिए ।विद्यालयले शनिवार ५१ औ वार्षिकोत्सव कार्यक्रम गर्दैछ । कार्यक्रम नेपाली कांग्रेसका केन्द्रीय सदस्य शंकर भण्डारीले प्रमुख आतिथ्यता गर्ने कार्यक्रम रहेको विद्यालयले जनाएको छ ।