माधव गिरी
रेसौ/ऋषिङ गाउँ पालिकाका अध्यक्ष राजेन्द्रकृष्ण श्रेष्ठले ऋषिङलाई समृद्ध र उज्यालो ऋषिङ बनाउने अभियानमा लागि पर्न सबैलाई आग्रह गरेका छन् । अध्यक्ष श्रेष्ठले उक्तकुरा वडा नं ५ को रेसौमा लालिगुराँस आमा समुहद्वारा निर्मित भवनको उद्घाटन गर्ने क्रममा बताएका हुन ।
भवन निर्माण समितिकी अध्यक्ष रेशमाया कुमालको अध्यक्षतामा सम्पन्न उद्घाटन कार्यक्रममा बोल्दै नेपाली कांग्रेसका जिल्ला सदस्य मोहन गिरीले आफु यस क्षेत्रको विकासमा सधै दत्तचित्त भएर लागि पर्ने प्रतिवद्धता जनाए । गाउँ पालिकाको दुईलाख रुपैया अनुदान र एकलाख ८० हजार रुपैया बरावरको जनश्रम परिचालन गरि निर्माण गरिएको उक्त भवन निर्माण पछि सामुदायिक काममा सहयोग पुग्ने विश्वास समूहले लिएको छ । सो अवसरमा अध्यक्ष श्रेष्ठले आमा समूहलाई १० थान कुर्सी र एक थान टेबल व्यक्तिगत सहयोग गर्ने समेत बताए । कार्यक्रमका अन्य बक्ताहरुले गाउँको विकासमा पालिकाले महत्वपूुर्ण भूमिका निर्वाह गर्ने विश्वास व्यक्त गरेका थिए ।