एसइइमा तनहुँको नतिजा

दमौली/शैक्षिक सत्र २०८१/०८२ को एसइइ नतिजामा तनहूँबाट ६५.७५ प्रतिशत विद्यार्थी उर्तिण भएको जिल्ला शिक्षा समन्वय इकाईले जनाएको छ ।
देशभरबाट आएको प्रतिशत भन्दा तनहुँको प्रतिशत ००.२३ कम देखिएको छ । देशभरबाट ६५.९८ प्रतिशतले यस बर्षको एसइइ उर्तिण गरेका छन् ।
नेपाल सरकारले आफ्नो प्रतिबद्धता अनुसार एसइइ परिक्षा सकिएको एक महिनाभित्रै नतिजा सार्वजनिक गर्न सफल भएको छ ।
देशभरबाट यस बर्ष पाँच लाख बाह्र हजार चार सय एक्काइस जना परिक्षार्थी एसइइमा सहभागि भएका थिए । तनहूँ जिल्लाबाट चार हजार नौ सय चालीस विद्यार्थी परीक्षामा सहभागि भएका थिए । ती मध्ये तीन हजार दुई सय अठचालीस जना विद्यार्थी उर्तिण हुन सफल भएका थिए ।