दमौली/आदिकवि भानुभक्त आचार्यको जन्मस्थल चुँदी रम्घामा उनको एक सय फिट अग्लो प्रतिमा राखिने भएको छ ।
राष्ट्रिय विभूति आचार्यको सम्मान तथा चुँदीलाई साहित्यिक तीर्थस्थलको रुपमा विकास गर्ने उद्देश्यले प्रतिमा निर्माण तथा स्थापना गर्न लागिएको हो । नेपाली भाषालाई हरेक नेपालीको जिब्रोमा रामायणका माध्यमबाट पु¥याउन सफल आचार्यको जन्मस्थल भानु नगरपालिका वडा नं ४ को चुँदीलाई साहित्यिक तीर्थस्थलका अतिरिक्त सांस्कृतिक एकताको थलोका रुपमा विकास गर्ने उद्देश्यका साथ प्रतिमा निर्माण गर्न लागिएको नगर प्रमुख आनन्दराज त्रिपाठीले बताए ।
भानुभक्त स्मृति उद्यानको कलाकार अशोकमान सिंहले परिकल्पना गरेर स्केच तयार पारेका छन् । उद्यान निर्माण लगाएतका कामको लागि जग्गा प्राप्तीको काम ९५ प्रतिशत पूरा भएको भानुका प्रशासकीय अधिकृत दिवाकर पौडेले बताए । उद्यान निर्माण लगाएत कामका लागि नेपाल सरकारले चालु आवमा रमक विनियोजन गरेको थियो भने आगामी आबका लागि प्रस्तुत सरकारको नीति तथा कार्यक्रम र बजेटमार्फत समेत बजेट विनियोजन गरिएको छ ।
विभिन्न भौतिक संरचना निर्माण गरी नेपाली भाषा, साहित्य, संस्कृति, पर्यटन, कला र राष्ट्रिय सम्पदाहरुको संरक्षण सम्वर्धन गर्ने थलोका रुपमा चुँदी रम्घालाई परिचित गराउने नगरपालिकाको योजना रहेको छ ।