दमौली / रोटर्याक्ट क्लब अफ दमौलीले १८औं सचिन स्मृति खुल्ला दौड प्रतियोगिता गर्ने जानकारी गराएको छ । स्व.सचिन कुमार श्रेष्ठको स्मृतिमा विगत १७ बर्षदेखि क्लबले यो खुल्ला दौड प्रतियोगिता गर्दै आएको छ । आउँदो फागुन १५ गते शनिबार १८ औ स्व. रो.सचिन स्मृति दिवसको अवसर पारेर खुल्ला दौड प्रतियोगिता आयोजना गर्न लागिएको बुधबार पत्रकार सम्मेलन गरेर जानाकारी गराएको छ ।
दमौली बजारको अनसन चौतारी चोकबाट शुरु हुने ९ किमि दूरीको दौड गल्बुवेशी, जलदेवी टोल हुँदै छाब्दी बसपार्कमा पुगेर टुङ्गिने पत्रकार सम्मेलनमा जानकारी गराइएको छ ।
प्रतियोगिताका प्रथमलाई दश हजार दश, द्वितीय हुनेलाई आठ हजार आठ र तृतीय हुनेलाई छ हजार छ पुरस्कार रहेको छ ।
विगतका वर्षभन्दा यस वर्ष पुरस्कार राशि वृद्धि गरिएको रोट¥याक्ट क्लबले जनाएको छ ।
रोट¥याक्ट क्लब अफ दमौलीका संस्थापक सहसचिव सचिनकुमार श्रेष्ठको स्मृतिमा क्लबले विगत १७ बर्षदेखि विभिन्न कार्यक्रम गर्दै आएको छ ।