खुल्ला हाफ म्याराथन सम्पन्न

दमौली/११२औं महिला दिवसको अवसर पारेर व्यास नगरपालिकाले फागुन २४ गते दोस्रो व्यास नगर महिला खुल्ला हाफ म्याराथन प्रतियोगिता सम्पन्न गरेको छ । प्रतियोगितामा सशस्त्र प्रहरी बलमा कार्यरत कान्छीमायाँ कोजुले प्रथम स्थान हासिल गरेकी छन् । नेपाल प्रहरीमा कार्यरत रेखा बलमे द्वितिय स्थान, भानु माविका छात्रा नम्रता गुरुङ्गले तेस्रो स्थान हासिल गर्न सफल भएका छन् । प्रतियोगितामा सान्त्वना स्थान हासिल गर्नेमा सन्ध्या अधिकारी, यमुना थापा, शुष्मा पुन, लक्ष्मी मानन्धर, गंगा कुमाल रहेका छन् । प्रतियोगितामा ४३ जना धावकले प्रतिष्पर्धा गरेका थिए । दमौलीदेखि तनहुँसुरसम्मको २१ किलोमिटर दुरीको दौड पार गरेर प्रतियोगितामा विजेता बनेका थिए ।