दमौली/तनहुँको बन्दिपुर गाउँपालिकामा लागू औषध सहित ३ जना पक्राउ परेका छन् । विशेष सूचनाको आधारमा प्रहरीले शनिबार उनीहरुलाई पक्राउ गरेको हो । बन्दिपुर गाउँपालिका वडा नं १ नयाँ बस्तीकी प्रतिमा सहनीको घरबाट २ किलो ८ सय ग्राम, सोही ठाउँकी किना परियारको घरबाट १ किलो ८ सय ग्राम र वडा नं.४ की ठुल्ढुगां बस्ने कमला देवी गुरुङको घरबाट ७ किलो २ सय ग्राम लागू औषधसहित पक्राउ परेका हुन् । पक्राउ पर्ने तिनै जनालाई आइतबार लागू औषध सम्बन्धी मुद्दा दर्ता गरी तनहुँ जिल्ला अदालतमा म्याद थप गराएर अनुसन्धान भइरहेको स्थानीय सञ्चारमाध्यमले जनाएको छ ।
