२८औं विश्व आदिवासी दिवस मनाइयो

दमौली/अगष्ट ९ मा परेको २८औं विश्व आदिवासी दिवसलाई तनहुँमा पनि भव्यताका साथ मनाईएको छ । साउन २४ अर्थात अगष्ट ९ मा परेको २८औ विश्व आदिवासी दिवसलाई भव्य, सभ्य, र व्यापक रुपमा मनाउन तनहुँका प्रायः सबै पालिकाहरुले सार्वजनिक विदा नै घोषणा गरेका थिए । नेपाल आदिवासी जनजाती महासंघ जिल्ला समन्वय परिषदले दमौलीको खुल्ला चौरमा एक भव्य कार्यक्रम गरेर २८औं विश्वआदिवासी दिवस मनाएको छ । तनहुँ जिल्लाभित्रका राजनीतिक दल, स्थानीय तहका प्रमुख, उपप्रमुख, समाजको प्रतिष्ठित व्यक्तिहरुको सहभागिताले दिवसलाई थप भव्य, सभ्य र व्यापक बनाएको थियो ।