शाहीले पाँच जना विद्यार्थीलाई छात्रवृत्ति प्रदान गर्ने

दमौली/व्यास नगरपालिका वडा नं २ घर भई हाल बेलायत बस्दै आएका व्यवसायि एवम् समाजसेवि रजनजंग शाहीले व्यास नगरपालिकाभित्रका विभिन्न ५ विद्यालयका ५ जना विद्यार्थीलाई छात्रवृत्ति प्रदान गर्ने भएका छन् । आफ्नो नाममा अक्षयकोष स्थापना गरि ती विद्यालयका विद्यार्थीलाई छात्रवृत्ति प्रदान गर्ने तयारी गरेको शाहीले बताए ।
व्यास १ दमौली स्थित निर्मल मावि, २ स्थित सत्यवती मावि, ५ स्थित पराशर मावि, १० स्थित चण्डीदेवि राष्ट्रिय मावि र १२ स्थित अमरज्योति मावि बेलभञ्ज्याङका एक÷एक जना विद्यार्थीलाई हरेक वर्ष छात्रवृत्ति प्रदान गर्ने शाहीले बताए ।
विद्यालयले गरेको मुल्यांकनका आधारमा गरिब तथा जेहेन्दार विद्यार्थीलाई निमावि अध्ययन देखि एसइइ उत्तीर्ण हुदासम्म सहयोग गर्ने बताइएको छ । उनले यस सम्बन्धमा सम्बन्धित विद्यालयलाई जानकारी गराइसकेका छन् भने विद्यालयबाट विद्यार्थीको विवरण प्राप्त भएपछी यही वर्षदेखि विद्यार्थीलाई छात्रवृत्ति प्रदान गरिने शाहिले बताएका छन् ।
अक्षयकोष स्थापनाको प्रारम्भमा यस वर्ष ती विद्यार्थीलाई छात्रवृत्ति वापत नगद सहयोग गर्ने र अर्काे वर्षदेखि अक्षयकोषको व्याजबाट छात्रवृत्ति प्रदान गर्ने आफ्नो योजना रहेको शाहीले बताए ।