दमौली/असार १७ गते देखि असार १९ गते सम्म परेको अविरल वर्षाका कारण वाढी पहिरोाबाट प्रभावितहरुलाई नेपाल रेडक्रस सोसाइटी तनहुँ जिल्ला शाखाले तत्काल गैर खाद्य राहत सामाग्री उपलब्ध गराएको छ । जिल्ला स्थित विभिन्न स्थानमा गएको वाढी तथा पहिरो जस्ता विपदवाट प्रभावित व्यक्तिहरु तथा क्षतीको विवरण २४ घण्टा भित्र नै प्रारम्भीक द्रुत लेखाजोखा गरी जिल्ला शाखाको स्वयम सेवकहरुको अग्रतामा क्षती भएको स्थलमै पुगि राहत सामाग्री उपलब्ध गराइएको जिल्ला शाखाले जनाएको छ । सो समयमा परेको अविरल वर्षाका कारण सवै भन्दा वढि क्षती भएको वन्दिपुर गाउँपालिकामा विभिन्न वडामा नेरेसो तनहुँका उपकोषाध्यक्ष सुकुमलाल गुरुङ समेत गाउँपालिकाका अध्यक्ष पुर्ण सिंह गुरुङको सक्रियतामा जम्मा एक सय ३३ घर परिवारलाई राहत वितरण गरिएको उपकोषाध्यक्ष गुरुङले बताउनुभयो ।
वाढिपैरो प्रभावित भिमाद नगरपालिका वडा नं. ७ निवासी मनिसा परियारको तीन जना परिवार म्याग्दे ५ फुलवारी टोल निवासी बुद्धिबहादुर परियारको १० जनाको परिवारलाई पनि राहत वितरण गरिएको छ । म्याग्दे–६ अकलाटोल निवासी मिनु दमैको पाँच जनाको परिवार र रामबहादुर बानियाको तीन जनाको परिवारलाई पनि राहत उपलब्ध गराइएको सभापति कृष्णहरि वाग्लेले बताउनु भयो । विपद प्रभावित क्षेत्रको स्थलगत अनुगमनमा तनहुँ जिल्ला शाखाका सभापती कृष्णहरी वाग्ले, उपसभापती ऋषिराम पोख्रेल, मन्त्रि चिनु पोख्रेल, उपकोषाध्यक्ष सुकुमलाल गूरुङ, भिमाद उपशाखाका सभापति ध्रुवकुमार श्रेष्ठ, थर्पु उपशाखाका सभापति जीतराज राना, सभासद् जुक्तराज वाग्ले, संस्थाका कर्मचारीहरु तथा सम्वन्धित उपशाखाको स्वयमसेवक घटना स्थलमा नै पुग्नु भएको थियो ।