दमौली/रोट¥याक्ट क्लबअफ दमौलीले शनिबार एक कार्यक्रम आयोजना गरी समुदायमा क्लबका गतिविधिलाई प्रचार–प्रसार गर्न सहयोग गर्ने सञ्चारगृहहरुलाई सम्मान गरेको छ । साथै क्लबले रोटा वर्ष २०१९÷२० को कार्ययोजना बारे अन्तरक्रिया समेत सम्पन्न गरेको छ । व्यास नगरपालिका वडा नं ५ का अध्यक्ष एवं व्यास नपाका प्रवक्ता मोहनकुमार श्रेष्ठको प्रमुख आतिथ्य एवं क्लबका अध्यक्ष मनोज राउतको अध्यक्षतामा आयोजित कार्यक्रममा प्रमुख अतिथी श्रेष्ठले आम जनमानसमा दीर्घकालिन र सकारात्मक छाप छाड्न सक्ने खालका कार्यक्रम गर्न क्लबलाई आग्रह गरे । श्रेष्ठले लागूपदार्थको प्रयोग युवा पुस्तामा बढ्दै गएकोमा चिन्ता व्यक्त गर्दै दमौली र आसपासका विद्यालय र कलेजमा गएर लागूपदार्थ विरुद्ध चेतनामूलक कार्यक्रम गर्न सुझाए ।
शिक्षासेवी विना कैनीले मोटरसाइकल तथा स्कुटर चालकहरुलाई ट्राफिक नियम सम्बन्धि सचेतना कार्यक्रम सञ्चालन गर्न आग्रह गरिन् । अन्तरक्रियाका अवसरमा क्लबले यस वर्ष गर्ने कार्यक्रमहरुबारे जानकारी गराइएको थियो । क्लबले अतिविपन्न र बाबुआमा नभएका वा अशक्त भएका दुइ बालबालिकालाई छात्रवृत्ति प्रदान गरिदै आएको जानकारी गराइएको थियो । छात्रवृत्ति पाउनेहरुमा इन्दु मावि व्यास –६ मा कक्षा ६ मा अध्ययनरत छात्रा सुष्मा काफ्ले तथा शिव पाञ्चायन मावि व्यास–३ मा कक्षा ४ मा अध्ययनरत नवराज परियार भएको जनाइएको छ । क्लबले यस वर्ष आफ्ना सदस्सहरुका लागि क्षमता अभिवृद्धिका कार्यक्रमका अतिरिक्त रक्तदान कार्यक्रम, भैलो कार्यक्रम, होली महोत्सव, पञ्चमन्दिरको गुरुकुलमा ढुङ्गेधारा निर्माण, स्वास्थ शिविर सञ्चालन लगाएतका कार्यक्रम गर्नेछ ।
कार्यक्रममा रोटरी क्लब तनहुँका अध्यक्ष सुर्जकुमार मल्ल, नेपाल पत्रकार महासंघका पूर्व अध्यक्ष प्रदिप काफ्ले लगाएतले क्लबका गतिविधि राम्रो भएको उल्लेख गर्दै आगामि दिनमा पनि निरन्तरताको शुभेच्छा व्यक्त गरेका थिए ।