दमौली/म्याग्दे गाउँपालिका ४ भुलभुलेस्थित पृथ्वी राजमार्गमा मंगलबार एक पर्यटकीय बस दुर्घटना हुँदा १० जना घाइते भएका छन् । चितवनबाट पोखरातर्फ जाँदै गरेको बा.१प. १०४६ नम्बरको पर्यटक बस विपरित दिशाबाट आएको सवारीलाई साइड दिनेक्रममा सडक भाँसिएर पल्टीदाँ दुई विदेशी सहित १० जना घाइते भएको हो । दुर्घटनामा सामान्य घाइते भएकाहरुको जीपी कोईराला श्वाप्रश्वास केन्द्रमा उपचार भइरहेको छ भने गम्भिर घाइते भएका दुई जनालाई थप उपचारका लागि पोखराको मणिपाल अस्पताल लगिएको छ ।