पदबहालीसंगै स्वागतको लहर

दमौली/तनहुमा कार्यरत प्रहरी उपरिक्षक सरुवा भै गएपछि रिक्त रहेको पदमा भरखरै बहाली हुनुभएका उपरिक्षक दिनेशराज मैनालीलाई स्वागत गर्ने लहर चलेको छ । उद्योगी व्यापारीहरुको छाता संगठन तनहुँ उद्योग वाणिज्य संघले भरखरै पदबहाली गर्नुभएका प्रहरी उपरिक्षक मैनालीलाई मंगलबार आफ्नै कार्यालयमा आमन्त्रण गरेर स्वागत गरेको थियो । उपस्थित उद्योगी व्यापारीहरुले आफ्ना समस्याहरु राखेका थिए । ऐन, नियम, नीति निर्देशनभित्र रहेर गरिने सबै प्रकारका व्यापार व्यवसायलाई नेपाल सरकारले सुरक्षा प्रदान गर्ने प्रतिबद्धता उपरिक्षक मैनालीले सो अवसरमा जनाउनुभएको समाचारमा जनाइएको छ ।