दमौली/नयाँ बर्षसंगै दमौली बजारमा नयाँ बहार आउन लागेको छ । एपेक्स मल्टिप्लेक्स बैशाखको पहिलो हप्तामा दमौली बजारको नयाँ बहार बनेर आउन लागेको हो । दुई आधुनिक सिनेमा हल सहितको सात तले एपेक्स मल्टीप्लेक्स दमौली बजारको पहिलो मल्टीप्लेक्स वैशाख पहिलो साताबाट सञ्चालनमा आउने भएको छ । आधुनिक सुविधा सम्पन्न एपेक्स मल्टीप्लेक्समा सटर किन्न तथा भाडामा लिन चाहनेहरुले फागुन १ गतेबाट सटर बुकिङ्ग गर्न पाउने कुरा व्यवस्थापक गणेश श्रेष्ठले जानकारी दिनुभयो । तीस करोडभन्दा बढी लागतमा दमौली कालिका मार्गमा निर्मित व्यवसायिक भवनमा लिफ्ट सुविधा सहितको आधुनिक फेन्सी, विभिन्न व्यवसायिक सटर र कार्यालय पनि रहनेछन् सोही भवनको माथिल्लो भागमा दुई सिनेमा हल चल्नेछन् । दमौलीमा सिनेमा हलप्रतिको आकर्षण घटेको यो समयमा बजार र आसपासका बासिन्दाको आकर्षणमा नयाँ वर्षबाट राजधानीकै स्तरको सिनेमा हाल परेको चर्चा दमौली बजारमा चलेको छ ।