छाब्दी प्रवेशद्वार टोलविकास संस्था व्यास–१ गल्ुबवेसीले विजया दशमीको अवसर पारेर टोल सरसफाई र शुभकामना आदानप्रदान कार्यक्रम सम्पन्न गरेको छ ।
सोमबार विहान टोल सरसफाइको काम सकेर संस्थाका सदस्यहरु जम्मा भई विजया दशमी, दिपावली, छठ तथा नेपाल सम्वतको शुभकामना आदानप्रदान गरेको सचिव गणेश गुरुङले बताए ।
कार्यक्रममा बोल्दै संस्थाका अध्यक्ष रामजी तिमिल्सिनाले घाँटी हेरी हाड निल्नु भन्ने भनाई पछ्याउँदै तडकभडक नगरी दशै मनाउन आग्रह गरे । तिमिल्सिनाले दशैंले सबैमा सहयोगी भावको विकास गर्ने अपेक्षा गर्दै टोलको विकासमा यसअघि जस्तै सधैं सबै सदस्यको सहयोग प्राप्त हुने विश्वास समेत व्यक्त गरे । संस्थाकी संस्थापक अध्यक्ष गंगादेवी गरुङले टोलका सबै सदस्यहरुलाई परस्पर मिलेर टोलको समग्र विकासमा लागि पर्ने आग्रह गर्दै दशै पर्वको अवसरमा सुस्वास्थ्य, दीर्घायू र प्रगतिको कामना गरीन् ।
संस्थाका सल्लाहकार नारायण गिरीले देवी दुर्गासंग टोलवासीको समृद्धिकालागि कामना गर्दै दशैंले सबैको घरमा खुसी ल्याओस् भन्ने कामना गरे । गल्बुबेसी टोल सुधार आमा समूहकी कोषाध्यक्ष चन्द्रीमाया तिवारी, स्थानीय वुद्धिजिवी केशवराज वाग्ले लगाएत उक्त अवसरमा शुभकामना व्यक्त गरेका थिए ।
टोलविकास संस्थाका सचिव गणेश गुरुङले सञ्चालन गरेको शुभकामना आदानप्रदान कार्यक्रममा संस्थाका उपाध्यक्ष हरिबहादुर थापाले स्वागत तथा शुभकामना व्यक्त गरेका थिए ।