
दमौली/आज हिन्दु धर्मावलम्वी नेपाली जनजिब्रोमा भएको ठूलो एकादशी ।
हरिबोधिनी एकादशीको नामले चिनिने यो दिन हरिशयनी एकादशीका दिन सुतेका भगवान विष्णु उठेका थिए भन्ने विश्वास रहेको छ । आजकै दिनलाई तुलसी विवाहको दिन भनेर पनि
चिनिन्छ । त्यसैले हिन्दु धर्मावलम्बी महिलाहरु यस दिन हरिशयनी एकादशी अर्थात् आषाढ शुक्ल एकादशी अझ भनौं तुलसी रोप्ने एकादशीमा रापेर हुर्काइएको तुलसीको बिरुवाको पिपलसंग विवाह गरिदिने गर्दछन् ।
तुलसीको बिरुवाको धार्मिक, सांस्कृतिक र वैज्ञानिक रूपमा पनि निकै महत्व रहेको छ । त्यसैले हिन्दु धर्मालम्बीहरुले आआफ्नो घरमा तुलसीको मठ बनाउने र त्यसलाई पूजा गर्ने
गर्छन् ।
भगवान् विष्णुले सबैभन्दा पहिले तुलसीको प्रार्थना सुन्नुभएको र त्यसै प्रार्थनाका प्रभावले निन्द्राबाट उठ्नुभएको विश्वासका साथ विष्णु भगवानको स्वरुप मानिने पिपलसंग विवाह तुलसीको गरिदिने गरिएको हो । तुलसी पुजा तथा विवाहले हामीलाई सुख, समृद्धि प्राप्त हुने तथा सबै प्रकारका मनोकामना पूर्ण हुने विश्वास गरिन्छ । धेरै अक्सिजन दिने वनस्पतिको रुपमा बैज्ञानिक हिसाबले पनि तुलसी महत्वपूर्ण वनस्पति हो ।