राष्ट्रिय कर दिवसको अवसरमा प्रभातफेरी

दमौली/आन्तरिक राजस्व कार्यालय तनहुँद्धारा दमौलीमा श्निबार राष्ट्रिय कर दिवसको अवसरमा प्रभातफेरी निकालिएको छ । कार्यक्रममा सहभागी सरोकारवालाले विभिन्न पेशामा आबद्ध मानिसलाई करको दायरामा आउन सचेत गराउने उद्देश्यले प्रभातफेरी निकालिएको थियो । प्रभातफेरीमा ‘करसँग डर हैन, भर गरौं’, ‘हाम्रो पौरख हाम्रो कर, राष्ट्र निमार्णको दिगो भर’ ,लगायतको नारा लेखिएको प्लेकार्ड प्रदर्शन गरिएको थियो । ‘कर समुह नेपाल सुखी नेपालको भर भने मूल नाराका साथ दमौलीमा कर दिवस मनाइएको हो ।