दमौली/शिक्षक सेवा आयोगले अध्यापन अनुमति पत्रको परीक्षा आवेदन खुल्ला गरेको छ । आवेदन दिने मिति २०७६ असार २२ सम्म रहेको छ भने दोब्बर दस्तुर तिरेर असार २९ सम्म आवेदन दिन सकिने व्यवस्था आयोगले गरेको छ । आयोगले यस पटक अनलाईन आवेदनको व्यवस्था गरेको हो ।
प्राथमिक र निम्नमाध्यमिक तहका लागि स्थायी अध्यापन अनुमति पत्रको परीक्षाका लागि सूचना प्रकाशित गरेको आयोगले माध्यमिक तहका लागि भने स्थायी र ससत स्थायी दुई गरी तीन प्रकारका सूचना जारी गरेको छ । स्थायी अध्यापन अनुमति पत्रको परीक्षामा तालिम प्राप्त व्यक्तिमात्र सहभागि हुन पाउने छन् भने ससर्त स्थायीका लागि लिइने परीक्षामा तालिम नलिएका तर आवश्यक योग्यता पुगेका व्यक्ति सहभागि हुन पाउने छन् । ससर्त स्थायी अध्यापन अनुमति पत्र लिएको व्यक्तिले नतिजा प्रकाशन भएको मितिले ५ वर्ष भित्र शिक्षा विषयमा कम्तिमा १० महिना अवधिको तालिम पुरा गरेको प्रमाण सहित निवेदन पेश गरेमा स्थायी अध्यापन अनुमति पत्र प्रदान गर्ने व्यवस्था आयोगले गरेको छ ।
आयोगका अनुसार इच्छुक योग्यता प्राप्त व्यक्तिले अनलाइन फारम भरेर सबमिट गरे पश्चात सिस्टमबाट जेनेरेट हुने भौचर अनुसारको रकम तोकिएको बैंकमा गई जम्मा गर्नु पर्ने छ । रकम जम्मा गरे पश्चात पुनः अनलाईन एप्लिकेशनको बैंक भौचर भन्ने बटनमा गई बंैक कारोबार संकेत लगाएत आवश्यक विवरण भर्नुपर्ने छ । दरखास्त फारम तथा अनलाईन फारम भर्ने तरिका बारे जानकारी आयोगको वेवसाइट ध्ध्ध्।तकअ।नयख।लउ मा प्राप्त गर्न सकिने आयोगले जनाएको छ ।