दमौली/तनहुँमा रहेका चार क्याम्पसका विद्यार्थी संगठनले स्वतन्त्र विद्यार्थी युनियनको नेतृत्व चयन गरेका छन् ।
मंगलबार सम्पन्न स्ववियु निर्वाचनले भिमाद क्याम्पस र भानुभक्त बहुमुखी क्याम्पसमा अनेरास्ववियु, आँबुखैरेनी क्याम्पसमा अखिल क्रान्तिकारी र आदिकवि भानुभक्त क्याम्पसमा नेपाल विद्यार्थी संघको नेतृत्वको नयाँ समिति चयन गरेको हो ।
भिमादमा रहेको जनज्योति क्याम्पसमा अनेरास्ववियुका विप्लव भण्डारी अध्यक्षमा विजयी भएका छन् । नेपाल विद्यार्थी संघ र अखिल क्रान्तिकारीको गठबन्धनलाई हराउँदै अनेरास्ववियुका भण्डारी स्ववियु अध्यक्षमा विजयी भएका हुन ।
यस्तै सचिवमा अस्मिता क्षेत्री,कोषाध्यक्षमा यसुमाया थापा, सदस्यहरुमा सुजन पौडेल, साविया खातुन मियाँ, विष्णु उच्चै, विनिता रसाइली र ममता सिग्देल विजयी भएका छन् । मंगलबार सम्पन्न भएको मतदानमा दुई सय ५८ मतमध्ये दुई सय ४४ मत खसेको थियो ।
शुक्लागण्डकीको बेलचौतारा स्थित भानुभक्त बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचनमा अनेरास्ववियु र अखिल क्रान्तिकारीबाट अध्यक्ष पदका साझा उम्मेदवार मिनबहादुर थापा (मिलन) विजयी भएका छन् । सचिवमा गठबन्धनका बिनिता भण्डारी कोषाध्यक्षमा गठबन्धनकै पुष्पा खड्का सदस्यमा गठबन्धनका अविजित लम्साल, अञ्जली विक, निरज भण्डारी विजयी भए भने नेविसंघबाट प्रतीक्षा गिरी र स्वस्तिका सिग्देल निर्वाचित भएका छन् । मंगलबार सम्पन्न भएको निर्वाचनमा २४१ मत खसेको थियो ।
आँबुखैरेनी क्याम्पसको स्वतन्त्र विद्यार्थी युनियनमा अखिल (क्रान्तिकारी) को प्यानल विजयी भएको छ । मंगलबार भएको मतदानबाट स्ववियु अध्यक्षमा अखिल
(क्रान्तिकारी) का निशान मगर विजयी भएका छन् । सचिवमा गङ्गाप्रसाद लामिछाने कोषाध्यक्षमा करुण गरुङ र सदस्यहरुमा मेनुका खत्री, सुरे नेपाली र विज्ञा राना मगर विजयी भएका छन । निर्वाचनमा दुई सय ५ मतदाता रहेकामा एक सय ७५ मत खसेको थियो । जिल्ला सदरमुकाम दमाौलीमा रहेको आदिकवि भानुभक्त क्याम्पसको स्वतन्त्र विद्यार्थी युनियनको अध्यक्षमा नेपाल विद्यार्थी संघको प्यानल विजयी भएको छ ।
मंगलबार सम्पन्न निर्वाचनबाट स्ववियु अध्यक्षमा नेविसंघका अनुप आले निर्वाचित भएका छन् । यस्तै सचिवमा सागर पाण्डे, कोषाध्यक्षमा रोशन ओझा निर्वाचित भएका छन् । सदस्यहरुमा रोशनी कुँवर, प्रमिश न्यौपाने, असिम भण्डारी, शिशिर सुनार, प्रमिला श्रेष्ठ, अनिशा परियार, सदिक्षा अधिकारी र इभान मल्ल ठकुरी निर्वाचित भएका छन् । निर्वाचनमा एक हजार पाँच सय ७७ मतमध्ये मतदानमा पाँच सय ५५ मत खसेको थियो ।