छानुङ/घिरिङ गाउँपालिका वडा नं. २ छानुङका अग्नि पिडितलाई नेपाल रेडक्रस सोसाईटी तनहुँ शाखाले एक सेट अखाद्य राहत उपलब्ध गराएको छ । सो राहत सभापति कृष्णहरि वाग्लेले पीडित दम्पत्तिलाई हस्तान्तरण गरेका थिए । छानुङ्गमा एक घरमा आगलागि हुँदा छ जनाको परिवार विस्थापित भएको छ । मंसिर १७ गते शुक्रबार विहान कुँडो पकाउने क्रममा कपाडाबाट आगो लागेर खरको छानो भएको घरलाई नष्ट गरेको थियो । मानवीय क्षति केही नभएको भएतापनि खाद्यान्न, लत्ताकपडा, भाडाकुँडा केही पनि निकाल्न नपाएको पिडित रामबहादुर परियारले
बताए ।
नेपाल रेडक्रस सोसाईटी उपशाखाले घटनास्थलमै पुगेर राहत स्वरुप एक हजार नगद र सिलिपिङ व्याग, चप्पल, लत्ताकपडा भाँडाकुँडा र सावुन समेतको किट वक्स तत्कालै उपलब्ध गराएको उपसभापति इमानसिं थापाले बताए । थप राहतको लागि जिल्ला शाखालाई सिफारिस गरेको उपशाखा सभापति श्रीराम खनालले बताए । आगलागि पिडित रामबहादुर परियार र गनमायाँ परियारको दुई छोरा र दुई छोरी रहेका छन् । नेपाल प्रहरी गजरकोट चौकीका असई रुक्माङगत न्यौपानेले आगलागिको मुचुल्का तयार पारी घिरिङ पालिएका पठाई दिएको र पिडित आएमा उपलब्ध गराउन सक्ने समेत बताए ।
नेपाल रेडक्रस सोसाईटी गजरकोट उपशाखाका सभापति श्रीराम खनाल, उपसभापति इमानसिं थापा, सचिव तारानाथ पोखरेल र कोषाध्यक्ष जगबहादुर श्रेष्ठ घटनास्थलमा पुगेर पीडितलाई आर्थिक राहत उपलब्ध गराएका थिए ।