दमौली/व्यास नगरपालिकाका १४ वटै वडामा पोलियो रोग विरुद्धको खोप अभियान(आई.पि.भि खोप अभियान) चलिरहेको छ । २०७३ साल बैशाख देखि २०७५ असोज महिनासम्म जन्मिएका सबै बालबालिकाहरुको लागि व्यास अन्तर्गतका सबै वडामा जेठ १४ देखि २० गतेसम्म खोप अभियान चल्नेछ । खेप अभियान अन्तर्गत व्यासको वडा नं १ मा छ, २ मा पाँच, ३ मा चार, ४ मा चार, ५ मा पाँच, ६ मा चार, ७ मा पाँच, ८ मा दुई, ९ मा एक, १० मा चार, ११ मा चार, १२ मा चार, १३ मा तीन र १४ मा एक गरी कुल ५२ खोप केन्द्र रहेका छन् । नगरपालिकाले नगरवासीहरुलाई आफुलाई पायक पर्ने खोप केन्द्रमा गइ आफ्ना बालबालिकालाई पोलयो विरुद्धको खोप लगाउन अनुरोध गरेको छ ।
