दमौली/ऋषिङ गाउँपालिकाको आयोजनामा सम्पन्न दास्रो पलिकास्तरीय अध्यक्ष कप भलिबल प्रतियोगिताको उपाधि बागलुङको गलकोट नगरपालिकाले हात पारेको छ । गतबर्ष संचालित पहिलो संस्करणको ऋषिङ अध्यक्ष कपको बिजेता तनहुँको शुक्लागण्डकी नगरपालीकालाई गलकोट नगरपालिकाले ३–२ को सेटमा पराजित गरेको हो । बुधबार ऋषिङ–१ झापुटारको शुक्ला माविमा सञ्चालित फाइनल खेलमा गलकोटले उपाधि जितेको हो । साथै प्रतियोगितामा स्याङ्जाको बिरुवा गाउँपालिका तेस्रो र तनहुँको भिमाद नगरपालिका चौथो भएको
थियो ।
विजेताहरुलाई ऋषिङ गाउँपालिकाका अध्यक्ष राजेन्द्रकृष्ण श्रेष्ठले पुरस्कार वितरण गरेका थिए । प्रतियोगितामा प्रथम हुने गलकोट नगरपालिकाले रु १ लाख ४० हजार, दोस्रो हुने शुक्लागण्डकी नगरपालिकाले रु १ लाख, तेस्रो हुने स्याङ्जाको बिरुवा गाउँपालिकाले रु ६० हजार र चौंथो हुने तनहुँको भिमाद नगरपालिकाले रु ३० हजार सहित शिल्ड, मेडल र प्रमाणपत्र प्राप्त गरेका छन् ।
शनिबारदेखि शुरु भएको खेलमा तनहुँ, कास्की, नवलपुर, स्याङ्जा र बाग्लुङका पालिकाहरुबाट १६ टिमको सहभागिता रहेको थियो । 