डुम्रे/चौथो डुम्रे साँस्कृतिक तथा व्यापारिक महोत्सव २०८१ को मिति सरेको आयोजकले बताएको छ ।
‘व्यापारिक, साँस्कृतिक, पर्यटकीय विकासको नारा, डुंम्रे महोत्सवको अभिभारा’ भन्ने मूल नारासहित फागुन १२ देखि २५ गते सम्म हुने भनिएको डुंम्रे महोत्सव नौ दिन पछि फागुन २१ देखि चैत्र ३ गते सम्म चल्ने आयोजकले बताएको छ ।

तनहुँ उद्योग वाणिज्य संघ डुम्रे बजार इकाइ समितिको आयोजनामा भानु नगरपालिका–१ पुल्चोकमा हुने भनिएको महोत्सवको सबै तयारी पुरा भएको आयोजकको दावी थियो । तथापि विशेष कारणवस महोत्सवको मिति सर्न गएको बताइएकोे छ ।
महोत्सवले यस क्षेत्रका आर्थिक, सामाजिक, सांस्कृतिक र पर्यटन प्रवद्र्धनमा योगदान पुयाउने उद्देश्य राखिएको साथै महोत्सवमा कृषि, पशु क्षेत्रलाई प्राथमिकतामा राखेर याम्पाको अर्गानिक उत्पादन ल्याउने वातावरण मिलाउने आयोजकले जनाएको छ ।
नेपाली मौलिक चाडपर्व, संस्कृतिहरुमा लाग्ने मेलालाइ विस्थापित गरेर आएको यो महोत्सव विगतका बर्षहरुमा नि डुँम्रे क्षेत्रमा आयोजना हुँदै आएको थियो । तनहूँ उद्योग बाणिज्य डुंम्रे बजार इकाईले महोत्सवको व्यवस्थापन गर्दै आएको छ ।