दमौली/दमौली स्थित सत्यवती माविमा फोहोर व्यवस्थापनको लागि माछापुच्छ्रे बैंक दमौली शाखाले ३२ थान डस्टविन वितरण गरेको छ । बैंकले विद्यालयलाई २८ हजार रुपैयाँ बराबरको डस्टविन उपलब्ध गराएको हो सत्यवतीले जनाएको छ ।
विद्यालय व्यवस्थापन समिति, शिक्षक अभिभावक संघ, शिक्षक कर्मचारी, विद्यार्थीहरुको उपस्थितिमा बैंकका प्रबन्धक सुरेन्द्र श्रेष्ठले वि.व्य.स. अध्यक्ष सूर्य अधिकारीलाई ती सामाग्री हस्तान्तरण गरेका थिए । सो अवसरमा अध्यक्ष अधिकारीले बैंकले प्रदान गरेको सहयोगप्रति धन्यवाद ज्ञापन गरेका थिए
प्रबन्धक श्रेष्ठले विद्यालयलाई सहयोग गर्न पाउँदा खुसी लागेको बताउदै बैंकका सेवा तथा सुविधाहरुबारे जानकारी गराएका थिए । उक्त अवसरमा विद्यालयका शिअ संघ अध्यक्ष रामचन्द्र सापकोटा, प्रधानाध्यापक इन्द्रप्रसाद पौडेल, सहायक प्रअ अशोक गिरी, वि.व्य.स सदस्यहरु सुरेश वाग्ले, विनु श्रेष्ठ, जगत बहादुर बानिया लगायतको उपस्थिति रहेको थियो । कार्यक्रमको सहजीकरण सहायक प्रअ अनिल श्रेष्ठले गरेका थिए । हस्तान्तरण कार्यक्रम आइतबार सम्पन्न भएको हो ।