दमौली/सत्यवती माविमा म्याग्दी जिल्ला मंगला माध्यमिक विद्यालयको आयोजनामा गरिएको शैक्षिक अवलोकन भ्रमणको सिलसिलामा आएका भ्रमण समुहविच अन्तरक्रिया कार्यक्रम सम्पन्न भयो ।
मंगला माविका प्रधानाध्यापकको नेतृत्वमा आएको उक्त समुहमा शिक्षक, कर्मचारी तथा विद्यार्थीहरुको सहभागिता रहेको थियो । व्यवसायिक तथा प्राविधिक शिक्षा प्रदान गर्ने एवं सामुदायिक विद्यालयहरुमा उत्कृष्ट शैक्षिक उपलब्धी प्राप्त गर्ने शैक्षिक संस्थाहरुको अवलोकन भ्रमणका लागी उक्त समुह सत्यवतीमा आएको हो । शैक्षिक गुणस्तर वृद्धिगर्न के कस्ता विधि तथा तौरतरिका अवलम्बन गर्न सकिन्छ भन्ने विषयमा बहस गरिएको उक्त कार्यक्रममा विद्यालयको आर्थिक, प्रसाशनिक, शैक्षिक, नमुना विद्यालय एवं भौतिक विषयमा छलफल गरिएको थियो । सोही अवसरमा समुहले सत्यवती मा.वि.को कम्प्युटर ल्याव, पुस्तकालय, विज्ञान तथा इन्जिनियरिङका ल्याव, लेखा तथा प्रसाशन शााखाको अवलोकन गरेका विद्यालयले जनाएको छ ।
कार्यक्रमको अध्यक्षता गर्दै सत्यवती माविका विव्यस अध्यक्ष सूर्य अधिकारीले समग्र व्यवस्थापकीय पक्षका बारेमा जानकारी गराउदै शिक्षक, विद्यार्थी, अभिभावक तथा समुदायको लगावका कारण विद्यालय यस स्थानमा आइपुगेको बताए । प्रधानाध्यपक इन्द्र प्रसाद पौडेलले शैक्षिक एवं प्रसाशनिक गतिविधी जानकारी गराउदै सहजीकरण गरेको उक्त कार्यक्रममा शिक्षक अभिभावक संघ अध्यक्ष रामचन्द्र सापकोटा लगायतले बोलेका थिए ।