दमौली/व्यास नगरपालिका तनहूँको कार्यालयबाट प्रदान गरिने सेवामा नागरिक पहूँच बृद्धि गर्न ले बुधबारदेखि नागरिक सहायता कक्ष स्थापना गरेको छ । व्यास नगरपालिकाका नगर प्रमुख बैकुण्ठ न्यौपानेले सहायता कक्षको शुभारम्भ गरेका थिए । उद्घाटन कार्यक्रमलाई सम्बोधन गर्दै नगर प्रमुख न्यौपानेले सेवाग्राहिहरुलाई सहज ढङ्गले सेवा प्रवाह गर्ने उदेश्य अनुरुप सहायता कक्ष सञ्चालनमा ल्याइएकाले यसको अधिकतम उपयोग गर्न नगरवासीसंग आग्रह गरेका छन् ।
टोल फ्रि नं सञ्चालनमा ल्याएर कार्यालय बाहिरबाट पनि सेवा सम्बन्धी जानकारी, गुनासो, सेवा लिन सक्ने पूर्वाधार तयार गरेको छ । नगरपालिकामा आएका सेवाग्राहिहरुलाई आवश्यक सहयोग उपलब्ध गराउने उदेश्य अनुरुप सहायता कक्ष सञ्चालनमा ल्याइएको व्यास नगरपालिकाका कार्यकारी अधिकृत हरिराम नागिलाले जनाकारी दिए । सहायता कक्ष मार्फत सेवाग्राहिहरुले आवश्यक पर्ने निवेदन र पेश गर्नुपर्ने आवश्यक कागजातहरुको फोटोकपि निशुल्क रुपमा प्राप्त गर्नेछन । सम्पुर्ण नगरवासीले टोल फ्रि नं १६६०६५५२००६ मार्फत नगरपालिकाबाट प्रदान गरिएका सेवाहरुका बारेमा जानकारी लिन तथा नगर सित सम्बन्धि सम्पुर्ण कामहरुका बारेमा सुझाब दिन सक्नेछन ।