दमौली/व्यास नगरपालिकाले आफ्नो कार्यालयमा कार्यरत ३५ बर्षिय इन्जिनियरको असामयिक निधनप्रति शोक व्यक्त गरेको छ । व्यास नगरपालिकाले शोक विदा पनि दिएको छ । व्यास नगरपालिकाले आईतवार त्यस्तो निर्णय गरेको थियो । व्यास नगरपालिका–१० निवासी शर्माको शनिबार राति ९ बजे पोखरा लैजाँदै गर्दा बाटोमा मृत्यु भएको थियो । केही दिनदेखि डेङ्गु सङ्क्रमण भएपछि दमौलीमा उपचाररत ३५ वर्षीया शर्मालाई थप उपचारका लागि पोखरा लगिएको थियो । नगरपालिकाले आईतवार आफ्नै सभाहलमा आयोजित शोक कार्यक्रम मार्फत शोकसन्तप्त परिवारजनमा समवेदना प्रकट गरेको छ ।
कलिलो उमेरमा नै असामयिक निधन भई कार्यालयलाई अपुरणीय क्षति पुगेको व्यास नगरपालिकाको ठहर रहेको छ । शोक मनाउन नगरपालिका, वडा कार्यालय तथा सम्पूर्ण स्वास्थ्य संस्थाहरु (अत्यावश्यक बाहेक) आधा दिन शोक बिदा गरिएको नगरपालिकाका प्रमुख प्रशासकीय अधिकृत गङ्गालाल सुवेदीले जानकारी दिए ।
नगरपालिकाले उपभोक्ता समिति र ठेक्का मार्फत संचालन गरिएको मा ९३ प्रतिशत योजनाको सम्झौता भएकोमा ६२ प्रतिशत योजना सम्पन्न भएका छन् भने ३१ प्रतिशत योजना निर्माणधीन अवस्थामा रहेको र ७ प्रतिशत योजनाको सम्झौता नै नभएको योजना अधिकृत भेषराज तिवारीले जानकारी दिए । उनका अनुसार ठेक्का मार्फत ६० योजना मध्ये ५६ योजना सम्झौता भएका थिए । जसमा २६ योजना सम्पन्न भई भुक्तानी लिईसकेको,३० योजना निर्माणधीन अवस्थामा र १ योजना सम्झौता नै नभएको तथा ३ योजनाको सुचना प्रकाशित हुन बाँकी रहेको छ । उपभोक्ता समिति मार्फत संचालित १ हजार २ सय ५५ योजनामा ७ सय ९३ योजना सम्पन्न भई भुक्तानी लिईएको छ भने ३ सय ७९ योजना निर्माणधीन अवस्थामा रहेका छन् । त्यस्तै ८३ योजना सझौता हुन बाँकी रहेको छ ।