दमौली/असार २८ गते राती परेको अविरल बर्षका कारण तनहूँ जिल्लामा आएको विपत्तीमा परेको परिवारलाई नेपाल रेडक्रस सोसाईटी तनहुँ शाखाले भौतिक रुपमा राहत सहित उपस्थित भएर, राहत सामाग्री पु¥याएर सहयोग गरेको छ । म्याग्दे गाउँपालिकामा ५५ सेट, ऋषिङ्ग–८ भैसीकिलीमा पाँच सेट, व्यास नपा–४ र ११, ढोरफिर्दी उपशाखा मार्फत ८ थान त्रिपाल रेडक्रसले हस्तान्तरण गरेको छ । नेपाल रेडक्रस केन्द्रिय कार्यालयको सहयोगमा शाखाले यो सहयोग उपलब्ध गराएको हो । बाढी पहिरोमा परेर तनहुँमा ११ जनाको ज्यान गएको छ । सयौं परिवार विस्थापित भएका छन् । धानवालीमा नोक्सान पुगेको छ ।