महोत्सव उद्घाटन प्रमबाट

दमौली/प्रधानमन्त्री शेरबहादुर देउवाले तनहुँ उद्योग वाणिज्य संघद्वारा आयोजित आठौं तनहुँ महोत्सवको उद्घाटन गर्ने कार्यक्रम रहेको छ । त्यसैगरी प्रधानमन्त्री शेरबहादुर देउवाले ऋषिङ्ग गाउँपालिकाको प्रशासकीय भवनको उद्घाटन गर्नेछन् ।
आठौं तनहुँ महोत्सवले नै दमौली बजार सिंगारिएको हुन्थ्यो । झनै प्रधानमन्त्री शेरबहादुर देउवाको आगम हुने काराणले झने बढी सिंगारिएको छ यतिखेर दमौली बजार ।
सफा सडकका पेटीहरु रंगरोगनले सजाइएको छ । सडक तुल व्यानर र स्वागतद्वारले सजाइएको छ । चैत्र १० गतेबाट शुरु भएको महोत्सव चैत्र २० गतेसम्म सञ्चालन हुनेछ ।
तनहुँ उद्योग वाणिज्य संघको आयोजना तथा बजार इकाईको सहआयोजनामा सञ्चालन भएको महोत्सवको मूल नारा ‘तनहुँ महोत्सव हाम्रो आधार, आर्थिक सामाजिक विकासको पूर्वाधर’ रहेको छ । तनहुँको मौलिक पहिचानको विकास, प्रबद्धन र संरक्षण गर्ने मुख्य लक्ष्य महोत्सवको रहेको छ ।