![](https://tanahunawaj.com.np/wp-content/uploads/2021/04/20210420_152606.jpg)
–तस्वीर सृजना कैनी
अन्य जिल्लामा भिटामिन ए कार्यक्रम सञ्चालन हुन नसकेको समाचार आई रहेका बेला तनहुँमा भने २०७८ बैशाख ६ र ७ गते दुई भिटामिन ए थोपा बालबालिकालाई ख्वाइएको छ । विशेष गरी छ महिनादेखि पाँच बर्षभित्रको उमेर समूहका बालबालिकालाई यो औषधी ख्वाइएको हो । यो कार्यक्रममा जुकाको औषधी समेत ख्वाइएको छ । जिल्ला स्वास्थ्य कार्यालय अन्तरगत एकाईहरुले टोल टोलमा पुगेर बालबालिकालाई भिटामिन ए थोपा र जुकाको औषधी ख्वाएको जिल्ला स्वास्थ्य कार्यालय तनुहूँका प्रमुख शंकरवावु अधिकारीले बताउनु भयो । यस अघि पहिलो चरणको भिटामिन ए कार्यक्रम गत मंसिर ११ र १२ गते सम्पन्न भएको थियो ।