डुम्रेबजार/पृथ्वीराजमार्गको तनहुँ डुंम्रेबजारमा मंगलबार एक बृद्धालाई ठक्कर दिएर निलोकालो रंगको मोटर साईकल फरार भएको छ । दुई जना सवार ८२० नं. को मोटरसाईलले आफ्नी ६० बर्षिया हजुरआमालाइ ठक्कर दिएर घाइते तुल्याई मोटर साईकल फरार रहेको जाहेरवाला नाती कृष्ण वि.क.ले जानकारी दिए । मोटर साईकलको नं. पत्ता लागेपनि दर्ता अञ्चल भने पत्ता लाग्न नसकेको उनले बताए ।
तनहुँ जिल्लाको भानु नगरपालिका वडा नं. ५ मैवल घर भएकी चिजामायाँ वि.क. बृद्धभत्ता लिनका लागि डुम्रेस्थित ग्लोबल आइएमइ बैंकमा मंगलबार आएकी थिइन ।
उनलाइ मोटरसाइकलले ठक्कर दिइ घाइते भएपछि डुंम्रेबजार स्थित लक्ष्मी अस्पतालमा उनको प्रारम्भिक उपचार भएको थियो । त्यसपछि थप चेकजाँचको लागि पोखरा स्थित फेवासिटी अस्पतालमा पु¥याइएको थियो घाइते चिजामायाँ वि.क.को पछिल्लो स्वास्थ्यस्थिति अनुसार खतरा मुक्त रहेको बताईएको छ । उनको दाहिने हातको कुहिनामा गंभिरप्रकृतिको चोट देखिएको छ भने नदेखिने चोट टाउकोमा सुनिने गरी चोट लागेको नाती कृष्ण वि.क.ले तनहुँ आवाजलाई बताए ।
घटना साउन १० मंगलबार विहान ११ः३० बजेको समयमा भएको थियो । दमौलीबाट मुग्लिङ्ग तर्फ जाँदै गरेको मोटरसाईकलले बृद्धालाई बन्दिपुर डुंम्रे बजारमा ठक्कर दिएको थियो ।