दमौली/राष्ट्रिय बाल दिवसका अवसरमा शनिबार व्यास–१ स्थित अकला सामुदायिक सिकाइ केन्द्रले वडा स्तरिय बाल नृत्य प्रतियोगिता सम्पन्न गरेको छ ।
सिकाइ केन्द्रका का.बा.अध्यक्ष पुर्णबहादुर दरैको अध्यक्षतामा भएको सो कार्यक्रम को उद्घाटन व्यास न.पा.का उप प्रमुख ईन्दिरा दरैले गर्नुभएको थियो भने कार्यक्रमको उदेश्य का बारेमा र स्वागत केन्द्रका कानुनि सदस्य डम्बरदेव हडखलेले गर्नुभएको थियो ।
उक्त प्रतियोगितामा व्यास न.पा.वडा न.१ मा रहेका २० वटा बाल क्लबले सहभागिता जनाएका थिए । सहभागी मध्ये सिवालय बाल क्लब प्रथम ,ठुलो गाउँ बाल क्लब दितिय,सिर्जनशिल बालक्लब तृतिय र हाईस्कुलटार बालक्लब तथा जनचेतना नव बालक्लब सान्त्वना भएका थिए ।
प्रतियोगितामा प्रथमलाई पाँच हजार, दितियलाई तीन हजार,तृतियलाइ दुई हजार र सान्त्वनालाई एक हजार नगद एवं प्रमाणपत्र प्रदान गरिएको थियो । साथै, सहभागि सबैलाई सहभागिता प्रमाणपत्रको व्यवस्था गरिएको थियो ।
कार्यक्रममा सर्जन थापा मगर,सोनु मल्ल ठकुरि र श्रीराम गन्धर्वले निरणायकको भुमिका निर्वाह गर्नुभएको थियो ।
उक्त केन्द्रले हालसम्म साक्षरता कार्यक्रम,च्याउ खेति तालिम,झिलिङ्गा बनाउने,अचार बनाउने,चुरा पोते बनाउने,झाडु कुचो बनाउने तालिम दिनुका साथै नेतृत्व विकास तालिम समेत सम्पन्न गरिसकेको र आगामी दिनमा कानुनी साक्षरता ,स्वास्थ्य शिविर समेत गर्ने योजना रहेको सदस्य हडखलेले जानकारी दिनुभयो ।