दमौली/तनहुँ सञ्चार सहकारी संस्थाको छैटौं आधिवेशन मंगलबार दमौलीमा सम्पन्न भएको छ ।
नेपाली काँग्रेसका पूर्व सहमहामन्त्री एवं तनहुँ सञ्चार सहकारी संस्थाका संरक्षक गोविन्दराज जोशीको प्रमुख आतिथ्यता तथा जिल्ला समन्वय समिति तनुहँका प्रमुख एवं संस्थाका संस्थापक अध्यक्ष शान्तिरमण वाग्लेको विशेष आतिथ्यतामा अधिवेशन सम्पन्न भएको थियो ।
कोरोेनाको सर्तकताका लागि भौतिक उपस्थितिलाई सहज नभएको यो समयमा तनहूँ सञ्चार सहकारी संस्थाले आफ्ना प्रमुख अतिथि, विशिष्ठ अतिथि, अतिथि तथा सेयर सदस्यहरुलाई जुम सहभागिताको व्यवस्था मिलाएको थियो ।
तनहुँ सञ्चार सहकारी संस्था मार्फत दमौली एफ.एम, दमौली खबर दैनिक र दमौली खबर अनलाईन सेवा प्रकाशन तथा प्रसारण भैरहेको छ ।
१४औं साधारण सभा तथा छैटौं अधिवेशनले नयाँ नेतृत्वको सर्वसम्मत चयन गरेको छ । संस्थाको अध्यक्षमा उपाध्यक्ष हरिशरण पण्डित, उपाध्यक्षमा शुकुमलाल गुरुङ्ग, सचिवमा माधव खनाल र कोषाध्यक्षमा पवन पौडेल निर्वाचित हुनुभएको छ । सदस्यहरुमा रामदेव पन्थ, राधा आचार्य, सर्मिला ओझा पौडेल, सुदिप काफ्ले, बसन्त गिरी सर्वसम्मत हुनुभएको छ । संस्थाको लेखा समितिमा रमेशकुमार श्रेष्ठ र सदस्यमा केशमायाँ गुरुङ्ग चयन हुनुभएको छ ।