दमाली/छिम्केश्वरीमा नेपाल पत्रकार महासङ्घ तनहुँको बैठक बसेको छ । आँबुखैरेनी गाउँपालिका–५ स्थित तनहुँको सबैभन्दो अग्लो स्थान छिम्केश्वरीमा गत विहिबार शाखाको बैठक बसेको हो ।
जिल्लाका धार्मिक तथा पर्यटकीय स्थलको प्रचारप्रसार गर्ने उद्धेश्यसहित महासङ्घले घुम्ती बैठक आयोजना गर्ने निर्णय बमोजिम फागुपूर्णिमाको अवसर पारी छिम्केश्वरीमा शाखाको बैठक सम्पन्न भएको शाखाका सचिव कृष्ण न्यौपानेले जानकारी दिए ।
साथै, प्रचारप्रसारकारको कमिका कारणले ओझेलमा परेको मनकामनाको जेठी दिदीको रुपमा मानिने बुढीमाइको प्रचारप्रसारका लागि सञ्चारमाध्यमबाट सहयोग गर्न सबै सञ्चारकर्मीलाई आग्रह गरिएको उनले बताए ।
शाखाका अध्यक्ष धनपति अधिकारी (डिपि) को अध्यक्षतामा सम्पन्न बैठकले जिल्लास्थित सबै सञ्चारमाध्यमको अभिलेखीकरण गर्ने र बैठक भानुको पर्यटकीय गाउँमा बस्ने निर्णय गरेको छ ।