दमौली/न्युयोर्क स्थित योर्क कलेजमा प्राध्यापनरत डा। अविन ओझाले आफ्ना बुवा मोहनिधी ओझा मार्फत निमार्णाधिन किरियापुत्री भवनका लागि ११ हजार एक सय ११ रुपयाँ हस्तान्तरण गरेका छन् । सो रकम सोमबार निर्माण समितिका सल्लाहकार प्रियनाथ पौडेललाई हस्तान्तरण गरिएको थियो ।
यसैगरी राष्ट्रिय वाणिज्य बैंक दमौली शाखाले बिहीबार व्यास नगरपालिका–३ मा निर्माणाधीन किरियापुत्री भवनका लागि आर्थिक सहयोग गरेको छ । बैंकले आफ्नो ५४ औं वार्षिकोत्सवको अवसरमा किरियापुत्री भवनका लागि दश हजार एक सय दश रुपैयाँ सहयोग गरेको हो ।
उक्त रकम बैंकको तर्फबाट शाखा प्रबन्धक तुलसीमणि अधिकारीले भवन निर्माण समितिका अध्यक्ष उपेन्द्र लम्साललाई हस्तान्तरण गरेका छन् । बैंकको सामाजिक उत्तरदायित्व बहन अन्तर्गत भवनलाई सहयोग गरिएको थियो । भवन निर्माण समितिका अध्यक्ष लम्सालले भवन निर्माणका लागि आर्थिक सहयोग गरेकोमा बैंकलाई धन्यवाद दिएका थिएँ ।