कमलबारी/व्यास नगरपालिका –१२ कमलबारीमा ६ए साइड फुटबल प्रतियोगिता सम्पन्न भएको छ ।
मितेरी युवा क्लबले माघे संक्रान्तिको अवसर पारेर पुष २८, २९ र माघ १ गते आयोजना गरको प्रतियोगितामा आयोजक मितेरी ए ले प्रथम स्थान हासिल गरेको स्थानीय शिक्षक छविदीप आलेले बताए ।
शिक्षक आलेका अनुसार जुनियर खेलाडी सम्मिलित प्रतियोगितामा विभिन्न स्थानका १४ फुटवल टिम सहभागी भएका थिए । प्रतियोगितामा रिषिङ झापुटार फुटबल क्लबले द्वितीय स्थान हासिल ग¥यो ।
बगाले टोल खेलकुद मैदानमा सम्पन्न प्रतियोगिताको समापनका अवसरमा बोल्दै वडा सदस्य एवं प्रमुख अतिथी विज्ञान कैनीले यस्ता प्रतियोगिता सञ्चालनमा वडाको सहयोग रहने बताए । टार बगाले टोल विकास संस्थाका अध्यक्ष फमबहादुर थापाले खेलकुदले मानिसको मानसिक र शारिरीक विकासमा सहयोग पुग्ने भएकाले यस्ता कार्यक्रम आवश्यक भएको बताउँदै आफ्नो सदा सहयोग रहने उल्लेख गरे ।
प्रतियोगितामा प्रथम तथा द्वितीय हुने टिमलाई क्रमषः नगद रु २० हजार र १० हजार तथा शिल्ड र प्रमाणपत्र प्रदान गरिएको थियो ।